ARYNews.tv | Urdu – Har Lamha Bakhabar

کراچی کنگز کے ہیڈ کوچ ڈین جونز کراچی پہنچ گئے

Written by

ویب ڈیسک

in

کراچی: پی ایس ایل کی سب سے مقبول ٹیم کراچی کنگز کے ہیڈ کوچ ڈین جونز کراچی پہنچ گئے، ڈین جونز نے کہا کہ مداح آئیں اور ٹیم کو سپورٹ کریں۔

تفصیلات کے مطابق کراچی کنگز کے ہیڈ کوچ ڈین جونز نے کہا ہے کہ مداح آئیں اور ٹیم کو سپورٹ کریں، پشاور زلمی کے خلاف پہلے مقابلے کے لیے ہم تیار ہیں۔

ڈین جونز نے کہا کہ میں نیلی جرسی پہننے کے لیے بے قرار ہوں، آپ کے خوبصورت شہر کراچی آنے پر بہت خوش ہوں۔

کراچی کنگز کے ہیڈ کوچ کا کہنا ہے کہ شائقین کپتان عماد وسیم، بابر اعظم اور اپنی ٹیم کا حوصلہ بڑھائیں۔

دوسری جانب کراچی کنگز کے اوپنر شرجیل خان کا کہنا ہے کہ میری تمام توجہ پرفارمنس پر ہے، کوشش کروں گا ہر میچ میں بہترین کھیل پیش کروں۔

واضح رہے کہ پی ایس ایل سیزن فائیو کا آغاز 20 فروری سے کراچی کے نیشنل اسٹیڈیم سے ہوگا، میگا ایونٹ کے لیے کھلاڑیوں کی آمد کا سلسلہ جاری ہے۔

پی ایس ایل میں کراچی کنگز کی ٹیم کی قیادت عماد وسیم کریں گے دیگر کھلاڑیوں میں بابر اعظم، ایلکس ہیلز، کرس جارڈن، محمد عامر، افتخار، شرجیل خان، کیمرون ڈیلپورٹ، عامر یامین، محمد رضوان، عمید آصف، لارنس، اسامہ میر، علی خان، اویس ضیا، لیام پلنکٹ، عمر خان اور اقبال شامل ہیں۔

More posts