کراچی: بلین مارکیٹ میں سونے کی فی اونس قیمت میں 7 ڈالر کا اضافہ ریکارڈ کیا گیا جس کی وجہ سے مقامی صرافہ بازاروں میں بھی بھاؤ بڑھ گئے۔
انٹرنیشنل مارکیٹ میں ٹریڈنگ کے دوران سونے کی قیمت 7 ڈالر اضافے کے بعد 1617 ڈالر فی اونس تک پہنچی۔
آل پاکستان جیولرز ایسوسی ایشن کے چیئرمین محمد ارشد کے مطابق بلین مارکیٹ میں قیمتیں بڑھنے کی وجہ سے مقامی صرافہ بازاروں میں سونے کی فی تولہ اور دس گرام کی قیمتوں میں اضافہ ریکارڈ کیا گیا۔
مقامی صرافہ بازاروں میں سونے کی فی تولہ قیمت 180 روپے اضافے کے بعد 92 ہزار 580 روپے جبکہ دس گرام کی قیمت 157 روپے بڑھ کر 79 ہزار 372 روپے تک پہنچ گئی۔
کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی تمام صرافہ بازاروں میں سونے کی فی تولہ اور دس گرام کی خرید و فروخت نئے ریٹ کے ساتھ ہوئی۔
انٹر بینک کی صورتحال
آج بتاریخ 20 فروری کو انٹربینک میں ڈالر کی قدر میں تین پیسے کی کمی ریکارڈ کی گئی جس کے بعد امریکی کرنسی 153 روپے 23 پیسے پر بند ہوئی۔
اسٹاک ایکسچینج
علاوہ ازیں پاکستان اسٹاک ایکسچینج میں مندی کے بادل چھائے رہے اور کاوربار کا منفی اختتام ہوا، رپورٹ کے مطابق 100 انڈیکس 92 پوائنٹس کمی کے بعد 40 ہزار 481 پوائنٹس پر بند ہوا۔