کراچی: پی ایس ایل فائیو میں کوئٹہ کے خلاف سنچری بنا کر ٹیم کو فتح دلانے والے پشاور زلمی کے اوپنر کامران اکمل نے کہا ہے کہ پاکستان ٹیم میں آنے کا سوچ نہیں رہا صرف زلمی کو جیتوانا ہے۔
میچ کے بعد پریس کانفرنس کرتے ہوئے کامران اکمل نے کہا کہ پی ایس ایل فور میں بھی پرفارم کر چکاہوں اور میری پوری توجہ پی ایس ایل میں پرفارمنس پر مرکوز ہے۔
MATCHDAY 2️⃣
Man of The Match@HaierPakistan
None other than @KamiAkmal23, the best Wicket-Keeper Batsman in 🇵🇰#TayyarHain #HBLPSLV #PSLClasico #QGvPZ #YellowStorm #Zalmi pic.twitter.com/lAqtlwFUax
— Peshawar Zalmi (@PeshawarZalmi) February 22, 2020
پی ایس ایل میں سب سے زیادہ رنز بنانے والے کامران اکمل نے ٹیم میں سلیکشن کے سوال پر ہاتھ کھڑے کردیے، انہوں نے کہا کہ پاکستان ٹیم میں آنےکا سوچ نہیں رہا صرف زلمی کو جیتوانا ہے یہ تو سیلکٹرز کا کام ہے وہ کب موقع دیتے ہیں۔
کامران اکمل نے کہا کہ عمر اکمل سے متعلق فیصلہ نہیں آیا، اگرغلطی پر ہےتو سزا ملے، فیصلہ آنے کے بعد جو آپ لوگ کہیں گےمیں قبول کروں گا تاہم میڈیا خود بھی فیصلہ آنے تک احترام کرے۔
ان کا کہنا تھا کہ عمر اکمل میرا بھائی ہے وہ ایسا کچھ نہیں کرسکتا، دکھ ہورہا ہے جو میڈیا رپورٹ کر رہا ہے۔
قبل ازیں مین آف دی میچ کا ایوارڈ حاصل کرنے کے بعد انہوں نے کہا کہ ہمارے بولرز نےبہت اچھی بولنگ کی، ہاشم آملہ نےگیم پلان دیاتھا اس کےتحت کھیلا میں مثبت کھیلتے ہوئے پریشر نہیں لیتا۔