اسلام آباد: وزیراعظم عمران خان کا کہنا ہے کہ وقت آگیا ہے دنیا بھی بھارت میں قتل عام کا نوٹس لے، یہ تاریخ میں حق کے ساتھ کھڑے ہونے کا وقت ہے۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ بھارت میں قتل عام پر موسیقار بھی خاموش نہ رہ سکے، امن کے لیے زندگی وقف کرنے والے موسیقاروں کا بولنا اہم ہے۔
وزیراعظم پاکستان نے کہا کہ وقت آگیا ہے دنیا بھی بھارت میں قتل عام کا نوٹس لے، یہ تاریخ میں حق کے ساتھ کھڑے ہونے کا وقت ہے۔
When musicians who have all their lives rallied for peace, start taking notice of the massacres in India, it is time the world must stand up and take notice. Stand up on the right side of history. pic.twitter.com/WdYv4YBSmT
— Imran Khan (@ImranKhanPTI) February 27, 2020
واضح رہے کہ بھارتی دارالحکومت نئی دہلی میں شہریت کے متنازع قانون کے خلاف احتجاج کے دوران ہونے والے فسادات میں جاں بحق افراد کی تعداد 34 ہوگئی ہے۔
نئی دہلی کے وزیراعلیٰ اروند کیجریوال کا کہنا ہے کہ نفرت پھیلانے والوں کو گرفتار کیا جائے۔