اسلام آباد: معاون خصوصی برائے اطلاعات فردوس عاشق اعوان نے کہا کہ ہمیں ریاست مضبوط بنانے کے لیے جھوٹی خبروں کا تدارک کرنا ہوگا۔
تفصیلات کے مطابق ڈاکٹر فردوس عاشق اعوان نے تقریب سے خطاب کرتے ہوئے کہا کہ جھوٹی اور من گھڑت خبروں سے معاشرے تباہی کا شکار ہوتے ہیں، موجودہ دور ابلاغ کا ہے جنگیں میڈیا پر لڑی جاری ہیں۔
معاون خصوصی نے کہا کہ پاکستان میں میڈیا صنعت میں تیزی سے اضافہ ہوا، کسی بھی صنعت میں منافع کمانا بری بات نہیں ہے، بدقسمتی سے جھوٹی خبروں کے ذریعےسنسنی پھیلائی جاتی ہے۔
فردوس عاشق اعوان کا کہنا تھا کہ حکومت کو ریاست کا مفاد ریاست سے کئی زیادہ عزیز ہے، ریاست کے مفادات قومی بیانیے کے ساتھ جڑے ہیں،قومی بیانیے میں جھوٹی خبریں ریاستی مفاد کو نقصان پہنچاتی ہیں۔
معاون خصوصی نے مزید کہا کہ ہمیں ریاست مضبوط بنانے کے لیے جھوٹی خبروں کا تدارک کرنا ہوگا، علما عوام کی فکری تربیت کے لیے بنیادی کردار ادا کرسکتے ہیں۔
میڈیا مسائل، مشکلات کا حل تلاش کرنا ہماری ذمہ داری ہے، فردوس عاشق اعوان
یاد رہے کہ 29 جنوری کو معاون خصوصی ڈاکٹر فردوس عاشق اعوان کا کہنا تھا کہ میڈیا مسائل، مشکلات کا حل تلاش کرنا ہماری ذمہ داری ہے۔