کراچی: پاکستان اسٹاک ایکسچینج پر حملے سے متعلق تحقیقات کے دوران سی ٹی ڈی نے انکشاف کیا ہے کہ دہشت گرد سلیمان کے فوری ہلاک ہونے پر دہشت گردوں کا پلان فیل ہوا۔
تفصیلات کے مطابق پاکستان اسٹاک ایکسچینج پر حملے سے متعلق سی ٹی ڈی نے تحقیقات کے دوران انکشاف کیا ہے کہ لیاری، بلدیہ، مشرف کالونی میں دہشت گردوں کے سلیپر سیلزکی اطلاعات ہیں۔
سی ٹی ڈی نے بتایا کہ دہشت گرد سلیمان نے پاکستان اسٹاک ایکسچینج کی ریکی کی، پاکستان اسٹاک ایکسچینج کے اندر کا راستہ دہشت گرد سلیمان کو معلوم تھا۔
سی ٹی ڈی حکام نے کہا ہے کہ سلیمان کے ساتھ دیگر 3 دہشت گردوں کو اندر کا راستہ معلوم نہ تھا،سلیمان کے فوری ہلاک ہونے پر دہشت گردوں کا پلان فیل ہوا۔
پاکستان اسٹاک ایکسچینج پر دہشت گردوں کا حملہ ناکام ، چاروں حملہ آور ہلاک
یاد رہے کہ گزشتہ ماہ سیکورٹی فورسز نے بروقت کارروائی کرتے ہوئے پاکستان اسٹاک ایکسچینج (پی ایس ایکس) کی عمارت پر حملے کی کوشش کرنے والے چاروں دہشت گردوں کو ہلاک کر دیا تھا جبکہ فائرنگ کے نتیجے میں ایک پولیس اہلکار اور 3 سیکورٹی گارڈ شہید ہوئے تھے۔