چیمپئنز لیگ کے کوارٹر فائنل میں شرمناک شکست کے بعد لائنل میسی نے ہسپانوی کلب ایف سی بارسلونا کو ہمیشہ کے لیے خیرباد کہنے کا فیصلہ کر لیا ہے۔
بین الاقوامی میڈیا یہ خبریں زیر گردش ہیں کہ ٹیم کی کارکردگی سے دلبرداشتہ اور کلب انتظامیہ کے فیصلوں سے نالاں میسی اس سمر سیزن میں اسپیشن کلب کو چھوڑ دیں گے۔
رپورٹس میں کہا گیا ہے کہ میسی نے چیمپئنز لیگ کے لیے ٹیم کو ‘کمزور’ قرار دیتے ہوئے متعدد شکایات کیں اور کلب انتظامیہ کے رویے پر بھی مایوسی کا اظہار کیا۔
According to the reliable @marcelobechler, Lionel Messi wants to leave Barcelona immediately, not when his deal expires in 2021.
Per an inside source at the club, Messi has never been this isolated from Barça, and he has no belief in the sporting project. pic.twitter.com/i1fVRgbxRi
— Zach Lowy (@ZachLowy) August 16, 2020
چیمپئنز لیگ کے کوارٹر فائنل میں جرمن کلب بائرن میونخ سے 8-2 کی ہزیمت نے میسی کو انتہائی اقدام اٹھانے پر مجبور کیا ہے۔
33 سالہ میسی کا کلب سے معاہدے کا ابھی ایک سال باقی ہے تاہم وہ قبل ازوقت کلب چھوڑنا چاہتے ہیں۔
میسی کا کلب سے معاہدہ 2021 میں ختم ہوگا تاہم انہوں نے معاہدے کو قبل از وقت ختم کرنے کے لیے مشاورتی عمل تیز کر دیا ہے۔
میسی نے اپنے پروفیشنل کیریئر کا آغاز 2005 میں اسی کلب سے کیا تھا اور وہ اپنے کلب کو 10 بار لالیگا کا چیمپئن بنا چکے ہیں، میسی کے ساتھ بارسلونا نے 4 مرتبہ یوئیفا چیمپئن شپ جیتی اور 6 بار کوپا ڈیل رے میں فتح اس کا مقدر بنی۔