اسلام آباد : صدرعارف علوی کا کہنا ہے کہ کراچی اور سندھ کے دیگر علاقوں کو تنہانہیں چھوڑیں گے ، کراچی صورتحال پروفاقی اورصوبائی حکومت کاتعاون مثبت پیش رفت ہے۔
تفصیلات کے مطابق صدرمملکت عارف علوی نے وزیراعظم عمران خان کے ٹوئٹ پر ردعمل کا اظہار کرتے ہوئے کہا کراچی صورتحال پروفاقی اورصوبائی حکومت کاتعاون مثبت پیش رفت ہے، وفاقی اورصوبائی حکومت مل کربحرانی صورتحال میں بہتری لاسکتے ہیں۔
عارف علوی کا کہنا تھا کہ کراچی اورسندھ کےدیگرعلاقوں کوتنہانہیں چھوڑیں گے، پینے کے پانی کی فراہمی،نکاسی آب اوردیگرمسائل کوحل کرنااہم ہے۔
A positive development. Cooperation between the Fed & Prov Govts can do wonders during this devastating crisis & also in the future in making of Storm Drains, Sewage Treatment, Solid Waste Managemnt, Fresh Water Supply & Transport. Karachi & rest of Sindh will never be left alone https://t.co/rCXZ9HITfR
— Dr. Arif Alvi (@ArifAlvi) August 29, 2020
یاد رہے وزیراعظم عمران خان نے سماجی رابطے کی ویب سائٹ ٹوئٹر پر اپنے پیغام میں کہا تھا کہ پوری قوم کو بارش سے کراچی کے عوام درپیش تکالیف کا احساس ہے، وفاقی اورصوبائی حکومت مل کرکراچی کے 3بڑے مسائل کے حل پر کام کریں گی۔
عمران خان کا کہنا تھا کہ مشکل گھڑی میں ایک مثبت پیش رفت سامنےآئی ہے، نالوں کی صفائی کے ساتھ تجاوزات کو مکمل ہٹایا جارہا ہے، کوڑا کرکٹ کو ٹھکانے لگانے کے ساتھ نکاسی آب کا بھی مستقل حل نکالیں گے جبکہ کراچی کےعوام کوپینے کے پانی کی فراہمی کےاہم مسئلے کا حل نکالیں گے۔