کراچی کے علاقے گلشن حدید میں لڑکی کے مبینہ اغوا اور اجتماعی زیادتی کے الزام میں پولیس نے 2 افراد کو گرفتار کر لیا۔
اہلِ خانہ کے مطابق ملزمان نےبیٹی کوڈیفنس کےعلاقےمیں زیادتی کانشانہ بنایا، بیٹی لاپتہ ہوئی توپولیس نےاطلاع دی آپکی بیٹی بےہوشی کی حالت میں ملی ہے، بیٹی کو16گھنٹےبعدہوش آیاتوبیان دیا اس کے ساتھ اجتماعی زیادتی کی گئی۔
پولیس کا کہنا ہے کہ لڑکی کا ڈی این اے سیمپل لے لیا گیا اور ملزمان کاڈی این اےلیاجارہاہے۔ لڑکی نے پولیس کو بیان دیا کہ واقعہ چند روز قبل پیش آیا اور 2 سے زائد ملزمان نے زیادتی کی۔
ایس پی انویسٹی گیشن عمران قریشی کا کہنا ہے متاثرہ لڑکی کی نشاندہی پر 2 ملزمان کو گرفتار کر لیا گیا ہے ان کے ساتھیوں کی گرفتاری کے لیے کارروائی کی جارہی ہے۔
اس سے قبل کراچی کے علاقے شانتی نگر سندھی ہوٹل کے قریب پولیس نے چھاپہ مار کر زیادتی کیس میں نامزد ملزم دانش کو گرفتار کر لیا جب کہ اس کے 2 ساتھی فرار ہوگئے۔
پولیس کے مطابق دانش اور اس کے 2 ساتھیوں نے 6 فروری کو لڑکی سےاجتماعی زیادتی کی، واقعےکامقدمہ متاثرہ لڑکی کی مدعیت میں عزیزبھٹی تھانےمیں درج ہے۔