جنوبی افریقا کے خلاف دوسرے ٹی ٹوئنٹی میں فخر زمان کو ڈراپ کیے جانے کی وجہ سامنے آ گئی۔
دوسرے ٹی ٹوئنٹی میچ میں بابر اعظم نے ٹاس جیت کر جنوبی افریقا کو بولنگ کی دعوت دی ہے، قومی ٹیم میں دو تبدیلیاں کی گئی ہیں فخرزمان کی جگہ شرجیل خان کو شامل کیا گیا ہے ان کی چار سال بعد ٹیم میں واپسی ہوئی ہے جب کہ حارث رؤف کو آرام دے کر محمد حسنین کو موقع دیا گیا ہے۔
ٹاس کے موقع پر گفتگو کرتے ہوئے کپتان بابر اعظم نے کہا کہ منصوبہ یہ ہی تھا ٹاس جیت کر بیٹنگ کریں بڑا اسکور کرکےمیچ جیتیں۔
انہوں نے تبدیلیوں کے حوالے سے کہا کہ حارث روف کی جگہ محمد حسنین کو ٹیم میں لائے ہیں، فخر زمان کے پاؤں میں الرجی ہے ان کی جگہ شرجیل خان کو موقع دیا ہے۔
Toss: Pakistan won the toss and elected to bat first#HarHaalMainCricket | #BackTheBoysInGreen | #SAvPAK pic.twitter.com/KEZgAXO97h
— Pakistan Cricket (@TheRealPCB) April 12, 2021
پاکستان کو چار میچوں کی سیریز میں 1-0 کی برتری حاصل ہے.