حکومت نے تمام وفاقی سرکاری اداروں کو کمرشل بینکوں میں اکاونٹس بند کرنے کا طریقہ کار جاری کر دیا۔
فنانس ڈویژن نے اکاونٹس بند کرکے فنڈز سنگل ٹریرثری اکاونٹ میں منتقل کرنے کا ضابطہ کار جاری کیا ہے۔
کیش منجمنٹ اور سنگل ٹریثری اکاونٹ رولز 2020 کے تحت ہدایات جاری کی گئی ہیں۔ فنانس ڈویژن کے مطابق سنگل ٹریژری اکاونٹ کے علاوہ کسی بھی کمرشل بینک میں اکاونٹس نہ رکھنے کی ہدایت کردی ہے۔
اسٹیٹ بینک کے ماتحت سنٹرل اکاونٹ میں سرکاری ادارے عوام کے لئے استعمال ہونے والی رقم جمع کرائیں اور نکالیں گے۔
سرکاری ادارے کمرشل بینکوں میں بڑی تعداد میں اکاونٹس رقم جمع کرنے اور نکالنے کے لیے استعمال کررہے ہیں۔ عوام کے لیے استعمال ہونے والی بڑی رقم کمرشل بینکوں کے اکاونٹس میں ہیں جو سنگل ٹریثری اکاونٹس میں ہونی چاہیں۔
سنگل ٹریژری اکاونٹس کا بنیادی مقصدرقم کو باآسانی اور بروقت استعمال کرنا ہے۔ مالی آپریشن کو یقینی بنانے ، پرسنل لیجر اکاونٹ ، اسپیل ڈرائنگ اکاونٹس اور ریوالونگ فنڈ اکاؤنٹس کو بند کردیا جائے گا۔