شہباز شریف اپنا اور ہمارا وقت ضائع نہ کریں، شہزاد اکبر

اسلام آباد : مشیر داخلہ شہزاد اکبر نے کہا ہے کہ شہبازشریف بھونڈے طریقے سے نکلنے کی بجائے پیشہ ورقانونی ٹیم کی خدمات حاصل کریں اور تب تک اپنا اور ہمارا وقت ضائع نہ کریں۔

سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ عدالتی حکم کے مطابق شہبازشریف کو ایک بار بلیک لسٹ سے نکالنے کا کہا گیا تھا، یہ الگ بحث ہے کہ لاک ڈاؤن میں سروس کب ہوتی ہے۔

شہزاد اکبر کا کہنا تھا کہ شہباز شریف کا نام پی این آئی ایل میں ہے جو بلیک لسٹ سے الگ ہوتی ہے، ان کا نام پی این آئی ایل میں ہو تو عدالتی فیصلے کا اطلاق کیسے ہوگا۔

کورٹ کے حکم کے مطابق شہباز شریف کو صرف ایک دفعہ بلیک لسٹ سے نکالنے کا کہا گیا،اور یہ ابھی الگ بحث ہے کہ لاک ڈاؤن میں سروس کب ہوتی ہے لیکن اس سب کے برعکس اگر شہباز کا نام PNIL میں ہو،جو کہ بلیک لسٹ سے الگ ہے میں ہے تو اس فیصلے کا اطلاق کیسے ہو گا جو کہ ایک pic.twitter.com/KnwYYOc354

— Mirza Shahzad Akbar (@ShazadAkbar) May 8, 2021

مزید پڑھیں : کمر میں درد ، شہزاد اکبر کا شہباز شریف کو مشورہ

مشیر داخلہ نے کہا کہ یہ ایک قانونی نقطہ ہے مناسب ہوتا کہ تمام فریقین اور حقائق سامنے ہوتے، شہبازشریف بھونڈے طریقے سے نکلنے کی بجائے پیشہ ورقانونی ٹیم ہائیر کریں اور تب تک شہباز شریف اپنا اور ہمارے وقت کا زیاں نہ کریں۔