جہانگیرترین گروپ کے رکن اسمبلی نذیر چوہان نے کہا ہے کہ فیصلہ جہانگیرترین کےخلاف بھی آتا ہے تب بھی ہم عمران خان کےساتھ ہیں۔
اے آر وائی نیوز کے پروگرام سوال یہ ہے میں گفتگو کرتے ہوئے نذیر چوہان نے کہا کہ اللہ نےہمیں ایسا ہیرا دیا ہےجس کانام عمران خان ہے ہماراگروپ قائم رہےگا ہمارےوزیراعظم عمران خان ہی رہیں گے انشااللہ آئندہ 5سال بھی عمران خان ہی وزیراعظم ہوں گے۔
نذیرچوہان نے کہا کہ مجھے امید ہےعمران خان اورجہانگیرترین کی صلح ہوجائےگی ہمارے گلے شکوے چلتے رہیں گے لیکن عوام کواچھابجٹ دیناہے۔
انہوں نے کہا کہ جہانگیرترین کےخلاف کیس میں کچھ بھی نہیں ہے پھر بھی وزیراعظم عمران خان کا جو فیصلہ ہو گا وہ ہمیں قبول ہوگا اگر فیصلہ جہانگیرترین کےخلاف بھی آتاہےتب بھی ہم عمران خان کےساتھ ہیں۔
ان کا کہنا تھا کہ وزیراعلیٰ بزدار سےملاقات میں کہا میرا دل آپ کےساتھ نہیں ہے، یہ بجٹ ہمارا آخری بجٹ ہوگا جس میں سارےفنڈ رکھنےہوں گے اس سال کےبجٹ کواگلےسال بھی استعمال کیاجائےگا۔
نذیرچوہان نے مزید کہا کہ عمران خان کو وزیراعظم ، بزدار کو وزیراعلیٰ جہانگیرترین نے بنوایا ہے لیکن ہمیں جہانگیرترین نے کچھ نہیں دیا، اپنی سیاست داؤ پر لگائی ہے۔