بھارت کی قومی فضائی کمپنی ایئرانڈیا پر سائبر حملہ کر کے لاکھوں مسافروں کی ذاتی معلومات چرا لی گئیں۔
بھارتی میڈیا کے مطابق ایئرانڈیا کے سرور سسٹم پر سائبر حملے کے نتیجے میں دنیا بھر سے ایئرلائن مسافروں کا ڈیٹا ہیک کر لیا گیا۔
ہیکنگ سے 45 لاکھ مسافر متاثر ہوئے ہیں جن کا ڈیٹا چرایا گیا، متاثرین کے بینک کارڈز، کانٹیکٹس، ٹکٹ اور پاسپورٹ سمیت ذاتی معلومات چرائی گئیں۔
کمپنی نے تصدیق کرتے ہوئے بتایا ہے کہ ہیکنگ سے چوری ہونے والا ڈیٹا 2011 سے فروری 2021 کے دوران کا ہے۔
ایئرلائن وضاحتی بیان جاری کرتے ہوئے کہا ہے کہ سائبر حملے کا معلوم ہوتے ہی تحقیقات شروع کر دی گئی ہیں اور سرورس کو محفوظ بنانے کے لیے اقدامات کیے گئے ہیں۔