متحدہ عرب امارات نے کورونا سے بچاؤ کے لیے ایک اور دوا کے ہنگامی استعمال کی منظوری دے دی۔
اماراتی میڈیا کے مطابق حکام نے سوترویمب (وی آئی آر -7831) نامی دوا کے ہنگامی استعمال کی اجازت دی ہے جو کہ جی ایس کے کمپنی کی تیار کر دہ ہے۔
معروف دوا ساز کمپنی جی ایس کے کی یہ دوا امریکا میں بھی ہنگامی استعمال کے لیے منظور کی جا چکے ہے۔ امریکی فوڈ اینڈ ڈرگ ایڈمنسٹریشن نے کچھ عرصہ قبل اس ویکسین کے استعمال کی اجازت دی تھی۔
عرب نیوز کا کہنا ہے کہ سوترویمب (وی آئی آر -7831) دوا کورونا وائرس کی مختلف اقسام اور حالتوں کے خلاف انتہائی مؤثر ہے اور اس دوا کے استعمال کے بعد اموات میں 85 فیصد کمی کا امکان ہے۔
اس کے علاوہ اماراتی حکومت نے 12 سال اور اس سے زائد عمر کے مریضوں کے علاج کے لیے ہلکی اینٹی باڈی سوترویمب کی بھی اجازت دے دی ہے۔
یہ دوا ایسے مریضوں کے لیے جنہیں بیماری کے باعث اسپتال داخل ہونے یا زیادہ حالت خراب ہونے کے خطرات لاحق ہوتے ہیں۔