خیبرپختونخوا حکومت نے دسویں اور بارہویں کلاس کے اسکولز کھولنے کا نوٹیفکیشن جاری کر دیا۔
وزیرتعلیم شہرام خان ترکئی نے ٹوئٹر پر جاری بیان میں بتایا کہ کےپی میں 10ویں اور 12ویں کے اسکولز31مئی سےکھول دیےجائیں گے۔
انہوں نے نوٹیفکیشن شیئر کرتے ہوئے بتایا کہ 10ویں اور 12ویں جماعت کےامتحانات کی تیاری کیلئے طلبا کو اسکولز آنے کی اجازت دی گئی ہے، طلباکےامتحانات کی تیاری کیلئےاسکول کھول دیے گئے ہیں۔
پورے صوبے کے سکولوں میں گریڈ 10 اور گریڈ 12 کی کلاسز کے لئے سکول 31 مئی سے کھول دیئےجائیں گے۔ سکول کھولنے کا مقصد صوبے کے سکولوں میں دسویں اور بارہویں گریڈ کے امتحانات کی تیاری ہے۔ ایس او پیز پر سختی سے عمل درآمد ہونا چاہئیے -میٹرک اور ایف اے ایف ایس سی کے امتحانات ضرور ہوں گے۔ pic.twitter.com/ogI2hmxjjx
— Shahram Khan Tarakai (@ShahramKTarakai) May 30, 2021
وزیرتعلیم نے کہا کہ ایس اوپیز پر سختی سےعمل درآمد ہو گا، میٹرک اورایف ایس سی امتحانات ضرور ہوں گے جس کے لیے تیاریاں مکمل ہیں۔
واضح رہے کہ این سی او سی نے امتحانات کے انعقاد کی اجازت دے دی ہے۔ دسویں تا بارہویں جماعت کے امتحانات 23 تا 29 جولائی ہوں گے، صوبے31مئی سے10تا12ویں جماعت کی کلاسز کا انعقادکرسکتےہیں، صوبوں کو10تا12ویں جماعت کی کلاسزکےانعقادکی مشروط اجازت ہوگی، کلاسزکا کا انعقاد کورونا ایس اوپیزپرعملدرآمدسےمشروط ہوگا۔