ضرورت پڑے تو میں بھی اپنی کشتی کے ساتھ تیار ہوں، ڈاکٹرعارف علوی

اسلام آباد : صدر مملکت ڈاکٹر عارف علوی نے کہا ہے کہ کراچی اور ملک کے دوسرے شہروں کی طرح اسلام آباد بھی میرا شہر ہے، ضرورت پڑی تو میں بھی اپنی کشتی کے ساتھ تیار ہوں۔

ڈاکٹر عارف علوی نے اسلام آباد میں ہونے والی طوفانی بارش کے بعد پیدا ہونے والی سیلابی صورتحال اور امدادی کاموں کی نگرانی خود کرنے کا فیصلہ کیا ہے۔

اسلام آباد بالکل کراچی اور پاکستان کے دوسرے تمام خوبصورت شہروں کی طرح میرا اپنا شہر ہے۔
اسلام آباد کی انتظامیہ یقیناً اپنا کام بخوبی سر انجام دے رہی ہے، لیکن اگر ضرورت پڑے تو میں بھی اپنی کشتی کے ساتھ تیار ہوں۔ 🙂 pic.twitter.com/Jbk6Fa7N4W

— Dr. Arif Alvi (@ArifAlvi) July 28, 2021

سماجی رابطے کی ویب سایٹ ٹوئٹر پر اپنے پیغام میں ان کا کہنا ہے کہ کراچی سمیت ملک بھر کے دوسرے شہروں کی طرح اسلام آباد بھی میرا اپنا شہر ہے۔

اپنے ٹویٹ میں صدر مملکت نے کہا کہ اسلام آباد کی انتظامیہ یقیناً اپنا کام بخوبی سر انجام دے رہی ہے تاہم ضرورت پیش آنے پر اپنی کشتی کے ساتھ مدد کیلئے تیار ہوں۔