سندھ حکومت نے ویکسینیشن مراکز پر رش کو کم کرنے اور عوام کی سہولت کے لیے گھرگھر جا کر ویکسینیشن کرنے کی تیاری شروع کر دی۔
ترجمان سندھ حکومت بیرسٹر مرتضیٰ وہاب نے کراچی میں موبائل ویکسینیشن سینٹر کا افتتاح کرتے ہوئے میڈیا سے گفتگو میں کہا کہ کل سے ایک ضلع میں موبائل ویکسینیشن کا آغاز ہو جائے گا۔
انہوں نے کہا کہ کوشش ہے کہ دیگر اضلاع میں بھی یہ سہولت فراہم کی جائے جس سے عوام کو ویکسینیشن میں آسانی ہو گی۔
مرتضیٰ وہاب نے کہا کہ یہ کیسےکہا جا سکتا ہےکہ سندھ حکومت ناکام ہوگئی میں خودویکسی نیشن سینٹرز جا کر ماسک پہننےکاکہہ رہاہوں، کل میں جےپی ایم سی گیاانتظامیہ نےعوام کوماسک اور سماجی فاصلےکاکہا۔
Spokesperson Sindh Govt @murtazawahab1 inaugurated the covid Mobile vaccination center at Federal B.area Association of trade and Industry ( FBATI) district Central karachi #CovidIsNotOver #SindhVaccinationDrive @BBhuttoZardari @ShakeelChPPP @ChacharFayaz @ShezadMajeed_ pic.twitter.com/VDqQYQl959
— Malik Arslan (@MalikArslan200) August 2, 2021
ان کا کہنا تھا کہ عوام جوک درجوک ویکسی نیشن سینٹرز میں آرہےہیں اور ویکسین لگوانے والوں کی تعداد میں مسلسل اضافہ ہو رہا ہے۔
کراچی کے 6 اضلاع میں قائم ویکسینیشن سینٹرز کو 24 گھنٹے کھلے رکھنےکا نوٹیفکیشن جاری کردیا، جس میں بتایا گیا ہے کہ ضلع جنوب میں خالق دینا ہال، جی پی ایم سی، لیاری جنرل اسپتال میں چوبیس گھنٹے بغیر کسی وقفے کے ویکسین جاری رہے گی۔
نوٹی فکیشن کے مطابق ملیر ضلع میں سندھ گورنمنٹ اسپتال مراد میمن ، سندھ گورنمنٹ اسپتال کورنگی 5، سعودآباد گورنمنٹ اسپتال میں24 گھنٹے ویکسین لگےگی ۔ محکمہ صحت کے مطابق جناح اسپتال کرونا ویکسین سینٹر کو 24 گھنٹے کھولا جائے گا۔
محکمہ صحت کے پارلیمانی سیکریٹری قاسم سومرو نے بتایا کہ کراچی کے7اضلاع سمیت سندھ بھر میں مزید 15کورونا ویکسین سینٹرز کھولےجارہے ہیں، ڈرائیو تھرو ویکسین سینٹرز کے لئے اقدامات کررہے ہیں، حالیہ اضافے کے بعد کراچی میں 24گھنٹے فعال رہنےوالے کورونا ویکسین سینٹرز کی تعداد 10ہوگئی۔