عالمی وبا کرونا نے ایک بار پھر دنیا میں اپنے پنجے گاڑھ لئے ہیں، ایسی صورت حال میں امریکا نے خطرناک ترین ممالک کی فہرست جاری کی ہے۔
امریکہ نے سولہ ممالک کو کرونا کے باعث خطرناک ممالک کی فہرست میں شامل کیا ہے، امریکی مرکزبرائے تحفظ وانسداد امراض نے اس فہرست میں یونان،آئرلینڈ،لیبیا اور ایران سمیت سولہ ممالک کو شامل کیا ہے اور کرونا کے بڑھتے کیسز کے سبب ان ممالک کی سیاحت پر پابندی لگادی ہے۔
سی ڈی سی فہرست میں اندورا،قازقستان،مالٹا،لیسوتھو،کورا کاو،جبل طارق،غواڈالوپ،آئل آف مین،مارٹینیق،سینٹ بارتھلیمی،امریکی جزائر ورجن اور سینٹ مارٹن جزائر جیسے ممالک بھی شامل ہیں۔
سی ڈی سی کا کہنا ہے کہ ان مقامات پر سفر کرنے سے پہلے یقینی بنائیں کہ آپ کو مکمل طور پر ویکسین دی گئی ہے،غیر محفوظ شدہ مسافروں کو ان مقامات پر غیر ضروری سفر سے گریز کرنا چاہیے۔
یہ بھی پڑھیں:“کرونا ویکسین وہی کام کررہی ہے، جو ہم چاہ رہے ہیں “
دوسری جانب امریکی ادارے انفیکشیئز ڈیزیز کے ڈائریکٹر ڈاکٹر انتھونی فاؤچی کا کہنا ہے کہ ویکسین ہمیں بیمار ہوکر اسپتال پہنچنے اور شدید بیمار ہونے یا مرنے سے بچا رہی ہے، انہوں نے کہا کہ ویکسینیٹڈ افراد میں بغیر علامات یا معمولی علامات والا کرونا ہوسکتا ہے، اس کے علاوہ مکمل ویکسین شدہ افراد میں کرونا کی شدت میں بھی کمی دیکھی گئی۔
واضح رہے کہ امریکی ادارے سینٹر فار ڈزیز کنٹرول اینڈ پریوینشن کی رپورٹ کے مطابق ویکسینیٹڈ افراد کے کورونا کا شکار یا انتقال کرنےکی شرح ایک فیصد سے بھی کم ہے۔