کراچی سے اسلام آبادجانے والی پرواز میں شہری کا پرس چرا لیا گیا۔ دوران سفر کینیڈین پاکستانی نژاد فیملی کا پرس چوری کیا گیا۔
اسلام آباد ایئرپورٹ پر طیارے کی لینڈنگ کے بعد بھی دروازے نہیں کھولےگئے اور کپتان کی ایمرجنسی کال پر مسافروں میں تشویش کی لہر دوڑ گئی۔
کپتان کی کال پر ایئرپورٹ سیکورٹی فورس کے اہلکار پہنچ گئے اور صورتحال کا جائزہ لیا۔ پی ٹی آئی رکن سندھ اسمبلی راجہ اظہر بھی طیارے میں موجود تھے۔
طیارے میں کینیڈین فیملی اور دیگر مسافروں میں تلخ کلامی بھی ہوتی رہی، جیب کتروں نے معاملہ خراب ہوتے دیکھ کررقم جہازمیں پھینک دی۔ فضائی انتظامیہ کو ایک جگہ سے پرس اور دوسری جگہ سے آدھی رقم مل گئی۔
راجہ اظہر کا کہنا ہے کہ کینیڈین فیملی کی بقایا رقم تلاش کی جارہی ہے ایسےلوگوں کی وجہ سےملک کی بدنامی ہوتی ہے جیب کتروں کی وجہ سےپوری فلائٹ کواذیت کا سامنا کرنا پڑا۔