سوات اور گردو نواح میں زلزلے کے جھٹکے، عوام میں خوف و ہراس

سوات : سوات اور گردو نواح میں زلزلے کے جھٹکے محسوس کیے گئے جس کے بعد لوگوں میں خوف وہراس پھیل گیا لوگ کلمہ طیبہ کا ورد کرتے ہوئے گھروں سے نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت5.1ریکارڈ کی گئی، زلزلے کی گہرائی 151کلو میٹر، مرکز بکوہ ہندو کش کا پہاڑی سلسلہ تھا۔ زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی ہے۔

سوات سمیت مالاکنڈ ضلع کے اکثرعلاقوں میں بھی زلزلے کے جھٹکے محسوس کیے گئے، لوگوں میں خوف وہراس پھیل گیا لوگ کلمہ طیبہ کا ورد کرتے ہوئے گھروں سے نکل آئے۔