طالبان کے سخت ناقد کمانڈر اسماعیل خان ملک چھوڑ گئے۔
شیرہرات کے نام سے مشہور کمانڈر محمد اسماعیل خان نے طالبان کے سامنے ہتھیار ڈال دیے تھے جس کے بعد طالبان نے سابق مجاہدلیڈرکوساتھیوں سمیت گھر جانےدیا۔
اس سے پہلےاسماعیل خان نےطالبان کےخلاف آخر تک لڑنے کاعزم ظاہرکیا تھاجب رپورٹرز نےان سےپوچھا اب آپ کیسا محسوس کر رہے ہیں تو اسماعیل خان نےکہا وہ چاہتےہیں افغانستان میں امن ہو اورجنگ ختم ہوجائے۔
افغان میڈیا کا کہنا ہے کہ کمانڈر اسماعیل خان ایران فرار ہوگئے ہیں اور وہ اس وقت مشہد شہر میں ہیں۔
کمانڈر اسماعیل خان طالبان سے مشاورت کرکے ایران گئے ہیں۔ ہتھیار ڈالنےکےبعد کمانڈراسماعیل خان ہرات کی رہائشگاہ پر4دن رہے۔
طالبان کا کہنا ہے کہ کابل میں کوئی عبوری حکومت قائم نہیں ہوگی بلکہ فوری اورمکمل طور پر انتقال اقتدارچاہتےہیں۔
طالبان نے افغان حکام اور فوجیوں کیلئےعام معافی کا اعلان بھی کیا ہے اور یقین دہانی کروائی ہے کہ کسی کیخلاف کوئی انتقامی کارروائی نہیں کی جائےگی۔