متحدہ عرب امارات میں داخلےکیلئے ریپڈپی سی آر کی لازمی شرط پر سول ایوی ایشن نے ملک کے اہم ہوائی اڈوں پر ریپڈ پی سی آر ٹیسٹ کا آغاز کرا دیا ہے۔
ترجمان سول ایوی ایشن اتھارٹی کے مطابق کراچی، اسلام آباد، لاہور، پشاور ایئرپورٹ پر ٹیسٹ کی سہولت فراہم کردی گئی ہے۔
ملتان، فیصل آباد، کوئٹہ اور سیالکوٹ ائیرپورٹ پر بھی ٹیسٹ کا آغاز کر دیا گیا ہے۔ ٹیسٹ کےآغازکےبعداسلام آبادایئرپورٹ سےپروازوں کی یواےای روانگی ہوئی ہے۔
اسلام آباد ایئرپورٹ سے10پروازوں سے 2050مسافریواےای روانہ ہوئے، علامہ اقبال ائیر پورٹ سےاب تک 8پروازوں سے 1626مسافر اور باچاخان ائیرپورٹ سےاب تک14پروازوںسے2561مسافرروانہ ہوئے۔
جناح ائیر پورٹ سےاب تک6پروازوں سے1742مسافر یواےای گئے، ملتان ائیر پورٹ سےاب تک6پروازوں سے 938مسافریواےای روانہ ہوئے جب کہ فیصل آباد ائیر پورٹ سےاب تک2پروازوں سے277مسافرروانہ ہوئےہیں۔
سیالکوٹ ائیر پورٹ سےاب تک15پروازوں سے2801مسافر اور کوئٹہ ایئرپورٹ پر18اگست سےمعمول کے مطابق روانہ ہوں گے۔
سی اے اے کا کہنا ہے کہ مجموعی طور پر اب تک63پروازوں سے11995مسافر سفر کر چکےہیں اس میں سے 8910مسافروں کاریپڈپی سی آرٹیسٹ ائیرپورٹس پرکیاگیا۔