ٹی ٹوئنٹی ورلڈکپ سے قبل قومی ٹیم کے کھلاڑیوں نے وزیراعظم عمران خان سے ملاقات کی جس میں وزیراعظم نے ٹیم کو مشورے دیے اور ان کا مورال بلند کرنے کے ساتھ ساتھ چیلنجز سے نمٹنے کے لیے اپنے تجربات سے آگاہ کیا۔
ملاقات کے بعد میڈیا سے گفتگو کرتے ہوئے تحریک انصاف کے سینٹر فیصل جاوید نے بتایا کہ وزیراعظم نےٹیم کو کہا کہ نبیﷺکی زندگی سےسیکھنا ہےپیسےکی لالچ میں ضمیرکا سودا نہیں کرنا جو ذہنی طور پر ہار مانتا ہے وہ ہار جاتا ہے۔
فیصل جاوید نے کہا کہ وزیراعظم نےٹیم کامورال بلندکیا اور مشورےبھی دیئے، وزیراعظم نے کہا ہے لڑنا ہے اور پوری محنت کرنی ہے سلیکشن میں کوئی رشتہ داری نہیں دیکھی جاتی جب انسان محنت کرتا ہے تو اللہ کامیابی دیتا ہے۔
انہوں نے کہا کہ ڈومیسٹک کرکٹ سےمتعلق رمیزراجہ پلان کر رہے ہیں پاکستان میں بےپناہ ٹیلنٹ ہے پاکستان میں سیکیورٹی کاکوئی مسئلہ نہیں تھا ہم نےسری لنکاسمیت دیگرٹیموں کی پاکستان میں میزبانی کی، عالمی میگزین کہتے ہیں2021کاسیاحت کااسپاٹ پاکستان ہے کرکٹ واحدکھیل ہےجس میں کپتان کی زیادہ ذمہ داری ہوتی ہے۔
معاون خصوصی شہبازگل نے ملاقات کے حوالے سے بتایا کہ وزیراعظم نے کھلاڑیوں سے کہا مشکل وقت میں گھبرانا نہیں ہے محنت کرنی ہے سب سےپہلے پیسےکی بت کو توڑنا ہے وزیراعظم نےکہاگراؤنڈمیں اپنےلیےنہیں پاکستان کےلیےکھیلنا ہے اگر پیسےکا بت توڑ دیں وت رزق تواللہ دیتا ہے۔
شہبازگل کے مطابق وزیراعظم نےکہا ہارنے سے نہیں گھبرانا ذمہ داری سےگراؤنڈ میں پوری کوشش کریں فیلڈنگ کو مزیدبہتر کرنےکی ضرورت ہےشاندارکھیل کرجیتیں یاہاریں قوم ساتھ کھڑی ہوگی۔