نیوزی لینڈ کے خلاف شاندار بولنگ سے ٹیم کی جیت میں اہم کردار ادا کرنے والے قومی فاسٹ بولر حارث رؤف کو میچ آف دی میچ قرار دیا گیا ہے۔
میچ کی اختتامی تقریب میں گفتگو کرتے ہوئے حارث رؤف نے کہا کہ مارٹن گپٹل کی وکٹ بہت اہم تھی جس طرح وہ پاور پلے میں چارج کرنا شروع ہوئے اس اس موقع پر گپٹل کی وکٹ لینا ٹیم کے لیے اہم تھا۔
انہوں نے کہا کہ فیلڈرز نے اچھی فیلڈنگ کی اور بولرز نےاچھی جگہ گیند کی، بولرز کے آپس میں بھی مقابلے ہوتے ہیں جس کافائدہ ٹیم کو ہوتا ہے۔
حارث رؤف نے کہا کہ آپس میں بات کرتے ہیں اور کنڈیشنز کےمطابق کھیلتے ہیں جو پلان بنایا گیا اس پر عمل کیا اور حکمت عملی کامیاب رہی۔
واضح رہے کہ حارث رؤف نے 4اوورز کے کوٹے میں 22 رنز دےکر 4 وکٹیں حاصل کر کے ٹیم کی کامیابی میں کلیدی کردار ادا کیا۔