وزیراطلاعات سندھ سعید غنی نے کہا ہے کہ عمران خان جب سے وزیراعظم بنے کوئی رات سندھ یا کراچی میں نہیں گزاری۔
وزیراعظم عمران خان کے دورہ کراچی پر ردعمل دیتے ہوئے سعید غنی نے کہا کہ وزیراعظم سندھ میں کبھی 2یا 3روزہ دورے پر نہیں آئے سندھ کے دورے پراس طرح آتا ہے جیسے لوگ باہر جا کر کھانا کھاتے ہیں۔
انہوں نے کہا کہ وزیراعظم کوہمارےچیئرمین کےساتھ براہ راست مناظرےپر بٹھا دیں بلاول ان کو 5 منٹ میں چت نہ کریں تو ہم خود کوجیالہ نہیں کہیں گے عمران خان کی حکومت کی وجہ سے لوگوں کاجینا محال ہوگیا ہے۔
سعید غنی کا کہنا تھا کہ بلاول اورآصف زرداری کو میچورسیاستدان ماناجاتا ہے امریکاکا صدر اگر فون نہیں کرتا ہے تو سزا پاکستانیوں کومت دو، اسدعمر خود کو کراچی کا کہتا ہے مگر الیکشن اسلام آباد سے لڑا ہے۔
صوبائی وزیر نے کہا کہ ایم کیو ایم کے منہ کو خون لگا ہوا ہے کراچی کے شہریوں نے بہت بھگت لیاہے اب کراچی کے شہری خونریزی نہیں چاہتے ہیں شہری اب ایم کیو ایم نہیں چاہتے ہیں لوگوں کو لڑانے کی سازش نہیں ہونے دیں گے۔