منچن آباد: پنجاب کے شہر بہاولنگر میں نومولود بچی کی لاش نامعلوم ملزمان نے قبر سے نکال کر غائب کردی۔
اے آر وائی نیوز کے مطابق بہاولنگر کی تحصیل منچن آباد میں 10 دن کی نومولود بچی کی لاش قبر سے نکال کر غائب کردی گئی، پولیس نے والد کی مدعیت میں مقدمہ درج کرکے ملزمان کی تلاش شروع کردی۔
والد نے پولیس کو دئیے گئے بیان میں بتایا کہ بچی کی 10 روز قبل تدفین کی گئی تھی، قبر پر فاتحہ خوانی کے لیے گئے تو کفن قبر کے باہر پڑا دیکھا اور لاش غائب تھی۔
پولیس اور فرانزک ٹیموں نے موقع پر پہنچ کر شواہد جمع کرلیے، پولیس کا کہنا ہے کہ واقعے کی ایف آئی آر والد کی مدعیت میں درج کرلی گئی ہے۔
پولیس کا کہنا ہے کہ جائے وقوعہ سے متعدد افراد کے پاؤں کے نشانات ملے ہیں، فرانزک ٹیم کی رپورٹ کی مدد سے ملزمان کو جلد ٹریس کرلیا جائے گا۔