ڈھاکہ : بنگلا دیش کرکٹ بورڈ نے سابق کپتان مشرف مرتضیٰ کو قومی ٹیم کا مینٹور بنانے پر غور شروع کردیا۔
مشرف مرتضیٰ سے متعلق بنگلا دیش کرکٹ بورڈ کے صدر نجم الحسن نے اظہار کرتے ہوئے کہا کہ سابق کپتان بطور رکن پارلیمنٹ بہت مصروف ہیں لیکن اگر وہ اپنی دلچسپی ظاہر کریں تو ہمیں ٹیم کے ساتھ بطور مینٹور جوڑنے کےلیے تیار ہیں۔
نجم الحسن نے واضح کیا کہ بورڈ نے تاحال مشرف مرتضیٰ کو کسی قسم کی پیش کش نہیں کی تاہم انہوں کہا کہ اگر مشرف مرتضیٰ ٹیم میں شامل ہوجائیں تو یہ خوش آئیند ہوگا۔
خیال رہے کہ بنگلا دیش اور پاکستان کے درمیان کھیلے گئے ٹیسٹ میچ کے دوران کپتان تمیم اقبال اور مشرف مرتضیٰ نے نجم الحسن سے ملاقات کی تھی جب کہ 2021 ٹی 20 ورلڈ کپ سے قبل تسکین احمد اور سومیہ سرکار نے بھی مشرف مرتضیٰ کیساتھ دن گزارا تھا اور اس دوران انہوں نے گیند کو مختلف انداز سے کرنے میں مدد کی تھی۔
خیال رہے کہ مشرف مرتضیٰ 2018 میں بنگلادیشی سیاست پارٹی ‘عوامی لیگ’ کے ٹکٹ پر ایم پی کی سیٹ جیت کر اسمبلی کا حصّہ بن چکے ہیں، انہوں نے جنرل الیکشن میں 96 فیصد ووٹ حاصل کیے تھے۔