وفاقی دارالحکومت اسلام آباد پہنچنے والی نجی ائیرلائن 40 مسافروں کا سامان کراچی چھوڑ آئی۔
تفصیلات کے مطابق مسافروں نے ایئرلائن کی غفلت پر شدید غم و غصے کا اظہار کیا۔ اسلام آباد پہنچنے پر پرواز کے مسافروں نے ایئرپورٹ پر اپنا احتجاج بھی ریکارڈ کرایا۔
متاثرہ مسافروں کا کہنا ہے کہ اسلام آباد ایئرپورٹ پر اپنے سامان کے منتظر ہیں۔
مسافروں نے بتایا ایئرلائن عملہ کافی دیر بعد دوسری فلائٹ سے سامان اسلام آباد بھیجنے کا کہہ رہا ہے۔ ایئرپورٹ پر مسافروں اور ایئرلائن کے عملے میں تلخ کلامی ہوئی۔
نجی ایئرلائن حکام نے یقین دہانی کرائی کہ 12 بجے کراچی سے پرواز سامان لے کر اسلام آباد آئے گی۔