آسٹریلیا نے غیر ملکی طلبا اور تارکین وطن پر کورونا وبا کی وجہ سے عائد سفری پابندیاں ختم کرنے کا اعلان کر دیا۔
بین الاقوامی میڈیا رپورٹس کے مطابق آسٹریلیا نے کوویڈ 19 کے پھیلاؤ کو روکنے کی خاطر لاک ڈاؤن کی وجہ سے متاثر ہونے والی معیشت کو فروغ دینے اور بین الاقوامی سفر کو دوبارہ شروع کرنے کے لیے اہم اقدامات اٹھائے ہیں۔
ابتدائی طور پر حکومت نے ہنر مند تارکین وطن اور غیر ملکی طلباء کے لیے سرحدیں دوبارہ کھول دی ہیں۔ ان کے داخلے پر دو سال سے پابندی عائد تھی اور اب صرف مکمل ویکسینیٹڈ افراد کو ہی داخلے کی اجازت ہو گی۔
وزیر اعظم اسکاٹ موریسن نے بدھ کے روز سرحدیں دوبارہ کھولنے سے متعلق ریڈیو اسٹیشن 4BC کو بتایا کہ ہم اس وائرس کے ساتھ زندگی گزارنے جا رہے ہیں اور ہم اسے ہمیں واپس وہاں لے جانے نہیں دیں گے جہاں ہم تھے۔
انہوں نے کہا کہ ہمارے پاس سب سے زیادہ ویکسینیشن کی شرح ہے جس کا مطلب ہے کہ ہم اس چیز سے لڑ سکتے ہیں ہمیں اس کے سامنے ہتھیار ڈالنے کی ضرورت نہیں ہے۔