معروف گلوکار حبیب ولی محمد امریکہ کے شہر لاس اینجلس کے اسپتال میں انتقال کرگئے، انکی عمر ترانوے برس تھے۔
حبیب ولی محمد انیس سو اکیس میں برما کے شہر رنگون میں پیدا ہوئے، جس کے بعد ان کا گھرانہ ممبئی منتقل ہوگیا، حیب ولی محمد کو بچپن میں قوالی سننے کا بے حد شوق تھا۔
انیس سو سینتالیس میں نیویارک سے ایم بی اے کی تعلیم حاصل کرنے کے بعد انہوں نے پاکستان کا رخ کیا، انہوں نے مشہور شعرا کے کلام پڑھ کراپنی آواز کا جادو جگایا ۔ حبیب ولی محمد نے فلمی نغمے بھی گائے، جن میں ایک غزل آج جانے کی ضد نہ کرو آج بھی سننے والوں کو یاد ہے۔
حبیب ولی محمد کے ملی نغموں میں سے روشن و رخشان نیر و تاباں پاکستان رہےشامل ہے۔