شکستوں سے چور چور انگلش ٹیم پر کورونا کے وار جاری ہیں۔ کھلاڑیوں اور اسٹاف ممبران کے بعد ہیڈکوچ بھی وائرس کا شکار بن گئے۔
بین الاقوامی میڈیا رپورٹس کے مطابق انگلش کرکٹ ٹیم کےہیڈکوچ کرس سلورووڈ کا کورونا ٹیسٹ مثبت آ گیا جس کے بعد انہوں نے آئسولیشن اختیار کر لی ہے۔
سلورووڈ فیملی ممبر میں کورونا تشخیص کے بعد سے آئسولیشن میں ہیں۔ ان کی غیرموجودگی میں اسسٹنٹ کوچ گراہم تھروپ ذمہ داریاں نبھائیں گے۔
ایشیز سیریز کا چوتھا ٹیسٹ 5جنوری سےسڈنی میں کھیلاجائےگا۔ 5 میچوں کی سیریز میں انگلش ٹیم کو0-3کے خسارےکا سامنا ہے۔
واضح رہے کہ ملبورن میں آسٹریلیا کے خلاف تیسرے ٹیسٹ کے دوران انگلینڈ کے کوچنگ اسٹاف کے دو ممبرز کا کورونا ٹیسٹ مثبت آیا تھا۔
کوچنگ اسٹاف کے دو فیملی ممبرز کے بھی کورونا ٹیسٹ مثبت آئے ۔ دوسرے روز کا کھیل تیس منٹ تاخیر کا شکار ہوا۔
کمنٹیٹرز رکی پونٹنگ اور این بوتھم بھی کورونا کی تشخیص کے بعد قرنطینہ میں چلے گئے ہیں۔ انگلینڈ کے تمام کھلاڑیوں کو ریپڈ ٹیسٹ کے بعد کھیلنے کی اجازت ملی تھی۔