اسلام آباد : وزیراعظم عمران خان نے نیشنل ڈیٹا بیس اینڈ رجسٹریشن اتھارٹی (نادرا) کی ملک میں رسائی کو بڑھانے کی تعریف کرتے ہوئے کہا شہریوں کی سہولت کیلئے 88 نئے رجسٹریشن مراکز کھولے گئے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ نادرا نے 88 نئے رجسٹریشن مراکز کھول کر شہریوں کی رسائی کو بڑھایا ہے، جس میں وہ تحصیلیں بھی شامل ہیں جہاں پہلے کوئی سینٹر موجود نہیں تھا۔
عمران خان کا کہنا تھا کہ نادرا نے بلوچستان میں 13، سندھ میں 23رجسٹریشن، کے پی میں 16، جی بی 11، پنجاب میں نئے 11مراکز کھولے۔
To facilitate our citizens NADRA has expanded its outreach by opening 88 new registration centres including in tehsils where no centre existed before. The spread of the new centres: Balochistan 13, Sindh 23, KPK 16, GB 11, Punjab 11, AJK 12 & 1 each in Islamabad & Rawalpindi
— Imran Khan (@ImranKhanPTI) March 2, 2022
انھوں نے بتایا کہ نادرانے آزادکشمیر میں12 ،اسلام آباد ،پنڈی میں ایک ایک مرکز کھولا۔
یاد رہے گذشتہ سال اگست میں وزیراعظم عمران خان نے نادرا ہیڈ کوارٹرز کے دورے کے دوران نئے نادرا رجسٹریشن سینٹر اور نئی موبائل رجسٹریشن وین کا افتتاح کیا تھا۔
بعد ازاں اگست کے آخر میں اوورسیز پاکستانیوں کی سہولت کیلئے وزیراعظم عمران خان نے نادرا کی پاک آئی ڈی موبائل ایپ کا افتتاح کیا تھا۔