بالی ووڈ کے چھوٹے نواب سیف علی خان کے بیٹے ابراہیم علی خان نے اداکارہ عالیہ بھٹ کو ایک میسج بھیجا جو سوشل میڈیا پر وائرل ہوگیا۔
حال ہی میں عالیہ بھٹ نے رنویر سنگھ کے ہمراہ پروگرام ‘کافی وِد کرن’ میں شرکت کی جہاں دونوں اداکاروں نے اپنے فلمی کیرئیر سے متعلق دلچسپ قصے سنائے۔
اسی دوران ایک سوال کے جواب میں عالیہ نے بتایا کہ انہیں فلم ’گنگو بائی کاٹھیاواری‘ ریلیز ہونے کے بعد ابراہیم کی جانب سے میسج موصول ہوا جس نے میرا دل موہ لیا۔
اداکارہ نے وہ پیغام شو میں پڑھ کر سنایا جس کے بعد اس کا ویڈیو کلپ سوشل میڈیا پر وائرل ہوگیا اور ابراہیم علی خان بھارتی ٹوئٹر پر ٹرینڈ کرنے لگے۔
میسج کیا تھا؟
سیف علی خان کے بیٹے نے اپنے میسج میں لکھا کہ ‘آپ نے ’گنگو‘ کا کردار بہت اچھے سے نبھایا اور اب رانی کا کردار بھی اچھی طرح کیا’۔
ابراہیم نے مزید لکھا کہ ‘ آپ خود کو کرداروں میں ایسے آسانی سے ڈھالتی ہیں جیسے پانی کسی برتن میں شکل اختیار کرتا ہے اور آپ اس ملک کی بہترین اداکارہ ہیں’۔
ابراہیم نے عالیہ بھٹ کو میسج کیا کہ ‘ذاتی طور پر آپ کو پیغام بھیجنے کا وقت نکالنا پڑا مجھے یقین نہیں آرہا کہ آپ وہ ہی خاتون ہیں جس سے میں ہر بار بہت کچھ سیکھتا ہوں اور آپ کی اداکاری غیر معمولی ہے’۔
واضح رہے کہ عالیہ بھٹ اور رنویر سنگھ کی 2023 میں ریلیز ہونے والی فلم ‘روکی اور رانی کی پریم کہانی’ میں ابراہیم علی خان نے ہدایت کار کرن جوہر کو اسسٹ کیا ہے۔