ترجمان دفتر خارجہ نے سائفر کو وزیراعظم یا وزیر خارجہ سے چھپانے کے دعوے کو بے بنیاد قرار دے دیا۔
تحریک انصاف کی جانب سے سائفر کمیونی کیشن کو وزیراعظم اور وزیر خارجہ سے چھپانے کے دعوے پر ترجمان دفتر خارجہ نے ردعمل میں بیان جاری کیا ہے۔
ترجمان نے واشنگٹن میں پاکستانی سفارت خانہ سے موصول ہونے والی سائفر کمیونی کیشن کو چھپانے سے متعلق دعوے کو بے بنیاد قرار دیا ہے۔
🔊: PR NO. 3️⃣2️⃣1️⃣/2️⃣0️⃣2️⃣2️⃣
Press Release
🔗⬇️https://t.co/IJBfNlB4hO pic.twitter.com/LdYc77Y7Xn
— Ministry of Foreign Affairs – Pakistan (@ForeignOfficePk) July 19, 2022
بیان کے مطابق سائفرکمیونی کیشن کو وزیراعظم یا وزیرخارجہ سے نہیں چھپایا گیا تھا سائفر چھپانے کے دعوے کو یکسر مسترد کرتے ہیں۔
ترجمان دفترخارجہ نے دوٹوک کہا کہ سائفر کو چھپانے کا سوال ہی پیدا نہیں ہوتا، دفترخارجہ پیشہ ورانہ بنیادوں پر کام کرتا ہے اس پر شکوک کا اظہار نقصان دہ ہوگا۔