پی ٹی آئی رہنما حماد اظہر نے کہا ہے کہ مجھے تحریک انصاف پنجاب کا صدر بنائے جانے کے حوالے سے خبریں غلط ہیں۔
پی ٹی آئی رہنما حماد اظہر نے سماجی رابطوں کی ویب سائٹ ٹوئٹر پر اپنے ٹوئٹ میں کہا ہے کہ مجھے پی ٹی آئی پنجاب کا صدر لگانے کے حوالےسے خبریں غلط ہیں۔
حماد اظہر نے واضح طور پر تردید کرتے ہوئے مزید لکھا ہے کہ پی ٹی آئی پنجاب چیپٹر میں کوئی تبدیلیاں نہیں ہو رہی ہیں۔
The news of my being appointed PTI Punjab President is not correct. No changes are being in punjab chapter's organisation.
— Hammad Azhar (@Hammad_Azhar) July 22, 2022
واضح رہے کہ اس سے قبل پاکستان تحریک انصاف کے سربراہ اور سابق وزیراعظم عمران خان کے حوالے سے بیان سامنے آیا تھا جس میں انہوں نے پی ٹی آئی پنجاب میں بڑی تبدیلی کا عندیہ دیا تھا۔
یہ بھی پڑھیں: عمران خان کا پنجاب میں بڑی تبدیلی کا عندیہ
رپورٹ کے مطابق لاہور میں پارٹی رہنماؤں کے اجلاس میں شرکا سے گفتگو کرتے ہوئے عمران خان نے کہا تھا کہ یاسمین راشد بہت اچھی اور متحرک لیڈر ہیں لیکن ان کے طبی معاملات ہیں، اب حماد اظہر کو تحریک انصاف پنجاب کی صدارت سونپی جائے گی۔