شوبز انڈسٹری کی مشہور جوڑی اقرا عزیز اور یاسر حسین کے بیٹے کی سالگرہ کی تصاویر اور ویڈیوز سوشل میڈیا پر وائرل ہوگئی ہیں۔
اقرا عزیز اور یاسر حسین کا بیٹا کبیر حسین گزشتہ روز ایک سال کا ہو گیا ہے، اس پرمسرت موقع پر اقرا اور یاسر نے اپنے بیٹے کبیر حسین کی سالگرہ منائی جس کی تصاویر اور ویڈیوز سوشل میڈیا پر زیرِ گردش ہیں۔
اقرا نے اپنے بیٹے کی پہلی سالگرہ پر گلابی رنگ کا لباس زیبِ تن کیا جبکہ اُن کے بیٹے نے نیلی شرٹ پہن رکھی ہے۔
View this post on Instagram
اس سے قبل اقرا عزیز نے انسٹا گرام اکاؤنٹ پر اپنے بیٹے کی سال بھر کی تصاویر پر مشتمل ایک ویڈیو پوسٹ کی جس کے ساتھ کیپشن میں انہوں نے اپنے بیٹے کو سالگرہ کی مبارک باد دیتے ہوئے لکھا کہ دیکھیں کہ میرا بے بی کیسا بڑا ہوا ہے۔
ان کی جانب سے پوسٹ کی گئی ویڈیو خوب وائرل ہورہی ہے اور اسے اب تک لاکھوں افراد دیکھ چکے ہیں۔
View this post on Instagram
یاسر حسین نے بھی اپنے انسٹا گرام اکاؤنٹ پر ایک فیملی ویڈیو بھی شیئر کی جس میں اُنہوں نے بیٹے کو گود میں اُٹھایا ہوا ہے اور ساتھ میں ان کی اہلیہ اقرا بھی موجود ہیں جو بہت خوش نظر آ رہی ہیں۔
View this post on Instagram
گزشتہ روز اقرا اور یاسر نے اپنے بیٹے کبیر حسین کی پہلی سالگرہ منائی جس کی تصاویر اور ویڈیوز سوشل میڈیا پر زیرِ گردش ہیں۔
اقرا اور یاسر کے بیٹے کو شوبز شخصیات اور سوشل میڈیا صارفین کی جانب سے محبت بھرے پیغامات بھیجے گئے ہیں۔