لاہور: رہنما پی ٹی آئی ڈاکٹر شہباز گل کا کہنا ہے کہ بیرونی سازش کا مس ایڈوانچر پاکستانی قوم پر بڑا عذاب ثابت ہوا ہے۔
تفصیلات کے مطابق اپنے ٹوئٹر پیغام میں شہباز گل نے شہباز حکومت کو نشانہ بناتے ہوئے کہا کہ ملک میں
بیروزگاری میں ریکارڈ اضافہ ہوا اور مہنگائی تاریخ کی بلند ترین سطح پرموجود ہے۔
انہوں نے لکھا کہ روزکسی نئی انڈسٹری کے بند ہونے کی خبرآرہی ہے، ثابت ہوا کہ بیرونی سازش کا مس ایڈونچر پاکستانی قوم پر بڑا عذاب ثابت ہوا ہے۔
اپنے ٹوئٹ میں پی ٹی آئی رہنما نے پارٹی موقف دہراتے ہوئے لکھا کہ تمام مسائل کا حل صرف شفاف الیکشن ہیں، نوٹ کرلیں۔
بیرونی سازش کے ذریعے ہونے والا مس ایڈونچر پاکستانی قوم پر کتنا بڑا عذاب ثابت ہوا ہے اس کا اندازہ اس بات سے لگایا جا سکتا ہے کہ روزکسی نئ انڈسٹری کے بند ہونے کی خبرآرہی ہے جس سے بیروزگاری میں ریکارڈ اضافہ
مہنگائی تاریخ کی بلند ترین سطح پر
حل:الیکشن نہیں
صاف شفاف الیکشن
نوٹ کر لیں— Dr. Shahbaz GiLL (@SHABAZGIL) July 31, 2022
گذشتہ روز پاکستان تحریک انصاف کے رہنما حماد اظہر نے ملک کی موجودہ سیاسی اور معاشی صورتحال پر تشویش کا اظہار کرتے ہوئے سماجی رابطوں کی ویب سائٹ ٹوئٹر پر اس حوالے سے اظہار خیال کیا۔
یہ بھی پڑھیں: ‘ پی ڈی ایم کا اب اقتدار سے چمٹے رہنا پاکستان کے مفاد کے شدید خلاف ہے’
حماد اظہر نے اپنے ٹوئٹ میں لکھا کہ پی ڈی ایم کی حکومت نے ملک کو تباہ کرنے میں کوئی کسر اٹھا نہیں رکھ رہی، نام نہاد تجربہ کاروں نے ملک کو دیوالیہ پن کے دہانے پر لا کھڑا کیا۔
حماد اظہر نے مزید لکھا ہے کہ دوست ممالک بھی وفاقی حکومت کو مصنوعی اور عارضی سمجھتے ہیں، اس وقت ان کا اقتدار سے چمٹے رہنا پاکستان کے مفاد کے شدید خلاف ہے۔