برازیل سے تعلق رکھنے والا معروف باڈی بلڈر جان لیوا انجیکشن لگوانے کے باعث 55 سال کی عمر میں چل بسا۔
غیرملکی خبررساں ادارے کی رپورٹ کے مطابق برازیل کے باڈی بلڈر ولادیر سیگاتو ٹک اسٹار تھے چھ سال قبل انہیں ڈاکٹروں نے جان لیوا تیل سینتھول انجیکشن لگانے سے منع کیا تھا۔
ولادیرسیگاتو کو گزشتہ روز سانس لینے میں تکلیف کی شکایت پر اسپتال لے جایا گیا جہاں بعد ازاں ان کی موت ہو گئی۔
رپورٹ کے مطابق فالج اور انفیکشن کے خطرے کے باوجود انہوں نے کئی سالوں سے سینتھول کے انجیکشن کا استعمال جاری رکھا تاکہ وہ اپنے مسلز کو بڑھاسکے اور خوبصورت نظر آسکے۔
مقامی میڈیا کے مطابق سوشل میڈیا پر مشہور ہونے کے باوجود سیگاتو نے اپنا آخری وقت تنہائی میں ہی گزارا۔
ماہرین کا کہنا ہے کہ بہت سے باڈی بلڈرز اپنے جسم کو جلد بڑھانے کیلئے سینتھول انجیکشن کا انتخاب کرتے ہیں لیکن بعد ازاں یہ خطرات کا باعث بنتا ہے جو جان لیوا بھی ثابت ہوسکتا ہے۔
ولادیر سیگاتو کہا کرتے تھے وہ ہالی وڈ اداکار آرنلڈ شوارزنیگر اور سپر ہیرو دی ہلک کی باڈی سے متاثر ہیں اور وہ ان کی طرح اپنی باڈی بنانے میں کامیاب بھی ہوگئے تھے اور اسی وجہ سے وہ ‘برازیلین ہلک’ کے نام سے مشہور تھے۔