شارجہ: ہانگ کانگ کے خلاف جارحانہ بلے بازی کرنے والے خوشدل شاہ کو کپتان بابراعظم نے کیا کہا تھا؟
تفصیلات کے مطابق خوشدل شاہ نے اہم ترین میچ کی پلاننگ سے متعلق لب کشائی کرتے ہوئے کہا کہ کپتان بابراعظم نے کہا کہ بیٹنگ پر جاتے ہی وقت نہیں لینا اور لمبی ہٹنگ کرنا۔
قومی ٹیم کے مڈل آرڈر بیٹر نے اعتراف کیا کہ جب بلے بازی کے لئے آیا تو گیند ٹھیک طرح سے بلے پر نہیں آرہی تھی، چھ سات گیندوں کے بعد ہٹ لگنا شروع ہوئی۔
یہ بھی پڑھیں: پاکستان نے ہانگ کانگ کو ہرا کر سپر فور مرحلے میں جگہ بنالی
انہوں نے بتایا کہ ایشیا کپ میں بھارت کے خلاف جو غلطیاں کیں، انہیں ٹھیک کرنے پر کام کررہے ہیں، اتوار کے میچ کے لئے سخت ٹریننگ جاری رکھے ہوئے ہیں۔
🗣️ @mnawaz94 and @KhushdilShah_ review Pakistan's victory over Hong Kong and look ahead to the Super 4 stage of #AsiaCup2022 pic.twitter.com/2qWW9vfqZ8
— Pakistan Cricket (@TheRealPCB) September 2, 2022
واضح رہے کہ گذشتہ روز پاکستان نے ہانگ کانگ کو چاروں شانے چت کرتے ہوئے فائنل فور میں جگہ بنائی تھی۔
میچ کی خاص بات میچ کے اختتامی اوورز میں خوشدل شاہ کی جارحانہ بلے بازی تھی، بیٹر نے 15 گیندوں پر 35 رنز کی اننگز کھیلی تھی انکی اننگز میں 5 چھکے بھی شامل تھے۔