گیلونگ: ٹی20 ورلڈکپ کے کوالیفائنگ راؤنڈ مقابلے جاری ہیں، سری لنکا اور یو اے ای کے اہم ترین میچ کا بھی فیصلہ ہوگیا۔
تفصیلات کے مطابق آسٹریلیا کے شہر گیلونگ میں کھیلے گئے ٹی20 ورلڈکپ کوالیفائنگ راؤنڈ کے چھٹے میچ میں سری لنکا نے متحدہ یو اے ای کو 79 رنز کے مارجن سے شکست دے دی۔
میچ میں متحدہ عرب امارات نے ٹاس جیت کر پہلے فیلڈنگ کا فیصلہ کیا، سری لنکا نے پہلے کھیلتے ہوئے مقررہ 20 اوورز میں 8 وکٹوں کے نقصان پر 152 رنز بنائے۔
اوپنر بیٹر پاتھون نسانکا نے74 رنز کی عمدہ اننگز کھیلی، ان کی اننگز میں 6 چوکے اور دو چھکے شامل تھے، دھننجایا ڈی سلوا نے 33 رنز اسکور کیے۔
یہ بھی پڑھیں: اماراتی بولر نے ٹی 20 ورلڈکپ کی پہلی ہیٹ ٹرک کرڈالی
یو اے ای کی جانب سے کارتک میپن سری لنکا کے خلاف ٹی20 ورلڈکپ 2022 کی پہلی ہیٹرک بناتے ہوئے 3، ظہور خان 2 جبکہ آیان افضل نے ایک وکٹ حاصل کی۔
ہدف کے تعاقب میں یو اے ای اچھا نہ رہا، اوپنر محمد وسیم 2 اور چراغ سوری 14 رنز بناکر پویلین لوٹے، آریان لکڑا، کپتان رضوان ایک ایک رن بناسکے جبکہ ورتیا اروند 9، باسل حمید 2 رنز پر محدود رہے، آیان افضل نے 19 رنز کی مزاحمتی اننگز کھیلی تاہم ٹیم کی فتح کے لئے ناکافی تھی۔
سری لنکا کی جانب سے دشمنتھا چمیرا اور ہسرنگا نے 3، 3 کھلاڑیوں کو پویلین کی راہ دیکھائی جبکہ پرمود مدوشن، مہیش تھیکشنا اور داسن شناکا نے ایک ایک وکٹ حاصل کرنے میں کامیاب ہوئے۔