کراچی : مچھرکالونی میں نجی کمپنی کے دو ملازمین کے سفاکانہ قتل میں ملوث اییک اور مرکزی ملزم کو گرفتار کرلیا گیا۔
تفصیلات کے مطابق کراچی کے علاقے مچھرکالونی میں نجی کمپنی کے دو ملازمین کے سفاکانہ قتل میں ملوث ایک اور مرکزی ملزم کو حراست میں لے لیا گیا۔
جس کے بعد گرفتار ملزمان کی تعدادسات ہوگئی، پولیس حکام کا کہنا ہے کہ گرفتار ملزم محمد حسین عرف شرارتی بابا کومختلف وڈیوزمیں دیکھاجاسکتا ہے۔
حکام کا کہنا تھا کہ پولیس سرچ آپریشن کےدوران ابتک چالیس مشتبہ افرادکوحراست میں لے کر تفتیش کی جارہی ہے۔
دوسری جانب مچھرکالونی میں 2 افراد کی ہلاکت کے معاملے پر ڈی آئی جی ساؤتھ عرفان بلوچ نے کہا کہ 59 زیر حراست افراد میں سے 10 ملزمان کی شناخت ہوگئی ہے ، ایک ملزم کو مقابلے میں گرفتار کیا جبکہ دیگر سے تفتیش جاری ہے۔