راولپنڈی : آرمی چیف جنرل عاصم منیر نے سعودی عرب اور یواے ای کے سفیروں سے الگ الگ ملاقات کی، جس میں دوطرفہ تعلقات اور باہمی دلچسپی کےامور پرتبادلہ خیال کیا گیا۔
تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے جاری بیان میں کہا گیا ہے کہ سعودی عرب کے سفیر نواف سعید اے الملکی اور متحدہ عرب امارات کےسفیر حمادعبید ابراہیم سالم الزابی نے جی ایچ کیو راولپنڈی کا دورہ کیا۔
جہاں دونوں برادر ملکوں کے سفیروں نے آرمی چیف جنرل سیدعاصم منیر سے الگ الگ ملاقات کی۔
آئی ایس پی آر کا کہنا ہے ملاقاتوں میں دوطرفہ تعلقات اورباہمی دلچسپی کےامور پرتبادلہ خیال کیا گیا۔
یاد رہے29 نومبر کو جی ایچ کیو میں پاک فوج کے کمان کی تبدیلی کی پروقار تقریب ہوئی تھی، جس میں سبکدوش جنرل قمرجاوید باجوہ نے نئے آرمی چیف جنرل عاصم منیر کو پاک فوج کی کمان سونپی تھی۔
سیدعاصم منیر چھڑی ہاتھ میں تھام کر مسلح افواج کے سترویں آرمی چیف بن گئے تھے۔