اسلام آباد : صدر پی ایف یو جے افضل بٹ کا کہنا ہے کہ سب نظریں سپریم کورٹ پرہیں، امید ہے ارشد شریف کے قاتل کیفر کردارتک پہنچیں گے۔
تفصیلات کے مطابق صدر پی ایف یو جے افضل بٹ نے سپریم کورٹ میں ارشد شریف ازخود نوٹس کیس کی سماعت کے بعد میڈیا سے گفتگو کرتے ہوئے کہا کہ صحافیوں اور سول سوسائٹی کی جانب سے چیف جسٹس کاشکریہ اداکرتے ہیں۔
افضل بٹ کا کہنا تھا کہ پی ایف یو جے نے دو ہفتے قبل چیف جسٹس کوخط لکھاتھا، پی ایف یو جے کی جانب سے خط میں درخواست کی تھی کہ سوموٹو نوٹس لیں۔
صدر پی ایف یو جے نے کہا کہ چیف جسٹس کو بتایا گیا فیکٹ فائنڈنگ رپورٹ کاانتظارکررہےتھے، عدالت نے کہا کیا یہ ایف آئی آر کی ریکوائرمنٹ تھی کہ پہلے رپورٹ آئے۔
ان کا کہنا تھا کہ عدالت نےحکم دیاآج ہی ارشدشریف کےقتل کامقدمہ درج کیاجائے اور کہا ہے کہ فیکٹ فائنڈنگ رپورٹ کل تک عدالت میں جمع کرادیں گے۔
افضل بٹ نے کہا کہ سب کی نظریں سپریم کورٹ پر ہیں، امید ہے مجرمان کیفرکردارتک پہنچیں گے۔