لاہور : تحریک انصاف کے رہنما فواد چوہدری کا کہنا ہے کہ پائیڈ کے سروے میں پاکستان سے 76 فیصد افراد بیرون ملک جانے کے خواہش مند ہیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ معیشت کی منصوبہ بندی کے اہم ادارے پائیڈ کی جانب سے سروے کرایا گیا، جس میں شہری علاقوں کے 40 فیصد افراد بیرون ملک جانے کے خواہش مند ہیں جبکہ دیہی علاقوں کے 36 فیصد افراد ملک چھوڑ کر کسی ’’اچھے‘‘ ملک جانا چاہتے ہیں۔
معیشت کی منصوبہ بندی کے اہم ادارے پائیڈ کے سروے کے مطابق پاکستان کے شہری علاقوں میں رہنے والے 40 فیصد افراد بیرون ملک جانے کے خواہش مند ہیں جبکہ دیہی علاقوں کے 36 فیصد افراد ملک چھوڑ کر کسی "اچھے” ملک جانا چاہتے ہیں،
— Ch Fawad Hussain (@fawadchaudhry) December 9, 2022
فوادچوہدری کا کہنا تھا کہ پائیڈ کا سروے ملک کے حالات کا عکاس ہے، قیادت جاگ جائےتومعلوم ہوگا عوام اوراداروں میں فاصلوں میں اتنااضافہ ہوچکا۔
لوگ ملک چھوڑ کر جانا چاہتےہیں، لے پالک سیاستدانوں اور صحافیوں کو چھوڑیں صورتحال کا ادراک کریں ، بند کمروں میں فیصلے عوام کو قبول نہیں۔
PIDE کا سروے ملک کے حالات کا عکاس ہے،اداروں کی قیادت اگر جاگ جائے تو معلوم ہو گا کہ عوام اور اداروں میں فاصلوں میں اتنا اضافہ ہو چکا ہے کہ لوگ ملک چھوڑ کر جانا چاہتے ہیں لےپالک سیاستدانوں اور صحافیوں کو چھوڑیں صورتحال کا ادراک کریں بند کمروں میں فیصلے عوام کو قبول نہیں
— Ch Fawad Hussain (@fawadchaudhry) December 9, 2022