نئی دہلی : بھارت نے پاکستانی ویب سیریز’’سیوک دی کنفیشنز‘ کو روکنے کے لیے پاکستانی او ٹی ٹی پلیٹ فارم vidly.tv پر پابندی لگا دی۔
تفصیلات کے مطابق فریڈم آف اسپیچ کی دعویدار بھارتی ریاست ویب سیریز’’سیوک دی کنفیشنز‘‘کے سچ سے خوفزدہ ہوگئی۔
ویب سیریزکو روکنے کے لیے بھارت نے پاکستانی اوٹی ٹی پلیٹ فارم vidly.tv پر پابندی لگا دی ، بھارتی چینلز اور اخبارات میں بھی انکشاف کیا گیا ہے کہ پابندی کی اصل وجہ ویب سیریز ہی ہے۔
نیٹ فلیکس کی طرزپرپاکستانی پلیٹ فارم vidly.tv پر ویب سیریز’’سیوک دی کنفیشنز‘‘شروع کی گئی ، سیوک دی کنفیشنز 1984 سے 2022 کےعرصے کی سچی کہانیوں پرمبنی ایکشن تھرلر ویب سیریز ہے۔
ویب سیریزمیں بھارتی ہندوتوا موومنٹ کی حقیقی عکاسی کی گئی ہے اور دکھایا گیا ہے کہ بھارت میں ایمان کو بنیاد بنا کر کیسے ظلم و بربریت ہو رہی ہے؟
ویب سیریز میں بھارت میں انتہا پسند عناصر کی جانب سے انسانیت سوز جرائم کے خلاف آواز بلند کی گئی ہے۔
ویب سیریزمیں دکھایاگیا کہ انتہا پسند کیسے اقلیتوں کے خلاف عوام کو نفرت انگیز جرائم پر اکساتے ہیں جبکہ بابری مسجد، 2002 کے سانحہ گجرات سمیت ایسے واقعات کی کہانیاں بھی ویب سیریز میں شامل ہیں۔
ویب سیریز میں بھارت کے بڑے انتہا پسندوں کے حقیقی و گھناؤنے کرداروں کو کھل کر دکھایا گیا ہے ، ویب سیریز میں انتہا پسندی، مذہبی دہشت گردی کا اصل چہرہ دکھانے پر بھارتی حکومت کو سخت اعتراض ہیں تاہم پابندی لگانے سے سچ اورحقیقت بدل نہیں سکتی؟