ممبئی: بنگلادیش کے خلاف ون ڈے میچ میں انجری کا شکار ہونے والے بھارتی کپتان روہت شرما کو گھر بیٹھنے کا طعنے ملنے لگے۔
بھارتی میڈیا رپورٹ کے مطابق روہت شرما بنگلہ دیش کے خلاف ون ڈے سیریز کے آخری میچ میں انگوٹھے کی انجری کے باعث پہلے ٹیسٹ سے باہر ہوئے تھے، ان کی غیر موجودگی میں کے ایل راہول نے کپتانی کے فرائض سرانجام دئیے تھے۔
بنگال ٹائیگرز کے خلاف روہت شرما کی غیر موجودگی میں بھارتی ٹیم میں شبمن گل اور چتیشور پجارا نے عمدہ بلے بازی کرتے ہوئے سنچریاں اسکور کی تھیں، اب امکان ہے کہ روہت کی واپسی ان دونوں کھلاڑیوں میں سے کسی ایک کو فائنل الیون سے باہر ہونا پڑے گا۔
تاہم اب بھارتی میڈیا رپورٹس میں 22 دسمبر کو بنگلادیش کے خلاف دوسرے ٹیسٹ میچ میں روہت شرما کی واپسی کا امکان ظاہر کیا گیا ہے لیکن بھارتی میڈیا سمیت سابق بھارتی کھلاڑی بھی روہت کی واپسی پر سوالات اٹھارہے ہیں۔
سابق بھارتی کپتان اجے جڈیجا نے ایک پروگرام میں کہا کہ جب کسی کھلاڑی کے ہاتھ میں فریکچر ہو اور وہ دس دن تک بلا نہ پکڑ سکے، اگرچہ وہ ٹھیک ہو بھی جائے تو وہ اگلے دن ٹیم جوائن نہیں کرسکتا اور ہمیں ابھی تک چوٹ کی نوعیت نہیں پتہ، ہم ایک عارضی حل تلاش کر رہے ہیں اور یہ روہت کے لیے بہترین حل ہے کہ وہ گھر بیٹھے۔