اسلام آباد : ایف ٹین میں ہونے والے خود کش دھماکہ میں جاں بحق ٹیکسی ڈرائیور کے اہل خانہ کو ایک کروڑ روپے کا امداد چیک دے دیا گیا۔
تفصیلات کے مطابق وزیراعظم شہباز شریف نے اسلام آباد کے علاقے آئی 10 فور میں ہونے والے دھماکے میں جاں بحق ٹیکسی ڈرائیور کیلئے مالی پیکج کی منظوری دے دی۔
وزیراعظم نے قانون نافذ کرنے والے اداروں کی تحقیقات کی روشنی میں پیکج کی منظوری دی ہے، وزیراعظم کی ہدایت پر مالی پیکج کا چیک سجاد حیدرشاہ کے اہل خانہ کے حوالے کردیا گیا۔
تحقیقات میں بتایا گیا تھا کہ سجاد حیدر کا دہشت گردوں یا ان کے منصوبے سے کوئی تعلق ثابت نہیں ہوا سجاد حیدر شاہ کی ٹیکسی میں23 دسمبر کو اسلام آباد کے سیکٹرآئی 10 فور میں دھماکا ہوا تھا۔
سجاد کا تعلق رہانہ ضلع چکوال سے تھا وہ راولپنڈی میں مسلم آباد، ڈھوک سیداں میں رہائش پزیر تھا، شہید ڈرائیور نے پسماندگان میں اہلیہ اور چار بچے چھوڑے ہیں۔