صوبہ پنجاب میں فیصل آباد کے علاقے ناصر ٹاؤن اور اوکاڑہ کے شیرگڑھ میں 3 بچوں سمیت دم گھٹنے سے 6 افراد جاں بحق ہوگئے۔
اے آر وائی نیوز کے مطابق یہ واقعہ فیصل آباد کے علاقے ناصر ٹاؤن میں پیش آیا، جاں بحق ہونے والے افراد کمرے میں کوئلوں کی آگ جلا کر سورہے تھے کہ دم گھٹنے سے جاں بحق ہوگئے جبکہ ایک بے ہوش ہے جسے اسپتال منقتل کردیا گیا۔
ریسکیو حکام کے مطابق واقعے کی اطلاع ملتے ہی ریسکیو ٹیم موقع پر پہنچ گئی اور لاشوں کو اسپتال منتقل کردیا گیا ہے ۔
دوسرا وقعہ اوکاڑہ کے شیرگڑھ میں پیش آیا جہاں کمرے میں سردی سے بچنے کے لیے لکڑی جلا کر سونے سے دھواں بھر گیا جس کے نتیجے میں 3 افراد جان بحق ہوگئے۔
پولیس کے مطابق جاں بحق بچوں کی شناخت نور فاطمہ، عثمان، اقرا کے ناموں سے ہوئی ہے، جبکہ 25 سالہ عابدہ اور 45 سالہ بشریٰ کی حالت تشویشناک ہے۔
اس کے علاوہ راولپنڈی کے ڈھوک حسو کے علاقے میں گھر میں گیس لیکیج سے دھماکہ ہوا ہے۔
دھماکے کے نتیجے میں ماں اور بچہ جھلس کرشدید زخمی ہوگئے ہیں جنہیں اسپتال منقتل کردیا گیا ہے۔