کراچی: کراچی ٹیسٹ میں سینچری اسکور کرنے والے آل راؤنڈر سلمان علی ۤآغا کا کہنا ہے کہ اپنے ملک کے لئے کھیلنا اعزاز سے کم نہیں۔
تفصیلات کے مطابق کراچی ٹیسٹ کے دوسرے روز کھیل کے اختتام پر پریس کانفرنس کرتے ہوئے سلمان علی آغا نے کہا کہ جس وقت سینچری بنائی اس وقت صورت حال تھوڑی مختلف تھی، اب پچ تبدیل ہوتی جارہی ہے۔
سلمان علی ۤآغا نے کہا کہ کل رات سے طبیعت خراب تھی جس کے باعث آج بولنگ اور فیلڈنگ نہیں کرسکا۔
یہ بھی پڑھیں: مچل کی ’جمائی‘ کا بابر اعظم نے فائدہ اٹھا لیا، ویڈیو وائرل
آل راؤنڈر نے پاکستان کی جانب سے کھیلنے کو اعزاز قرار دیتے ہوئے کہا کہ میں تو ڈومیسٹک کرکٹ میں نمبر پانچ پر ہی بیٹنگ کرتا ہوں مگر قومی ٹیم میں ساتویں نمبر پر کھیل رہا ہوں، ڈومیسٹک کرکٹ کا زیادہ تجربہ ہے اس لئے زیادہ مسئلہ نہیں ہوا۔
𝘼𝙧𝙧𝙞𝙫𝙚𝙙 💯
Splendid batting with the tail ✨#PAKvNZ | #TayyariKiwiHai pic.twitter.com/vg417H75wK
— Pakistan Cricket (@TheRealPCB) December 27, 2022
واضح رہے کہ سلمان علی آغا نے آج قومی ٹیم کے کپتان بابراعظم کے آؤٹ ہونے کے بعد ٹیل اینڈرز کے ساتھ مل کر قومی ٹیم کے مجموعے کو 438 رنز تک پہنچانے میں اہم کردار ادا کیا، اسی دوران انہوں نے اپنے ٹیسٹ کیرئیر کی پہلی سینچری بھی بنائی۔
سلمان علی آغا نے 103 رنز بناکر آؤٹ ہوئے تھے۔